Siglir tar il cuntegn

Header

cuntegn

Engiadina Giubileum per Open air Sclamischot

Il festival sut tschiel liber a Sclamischot po festegiar quest onn ses 10avel anniversari. Il Open air è in dals pitschens festivals dal Grischun che porscha er in program in pau pli spezial en congual cun auters.

Il lieu Sclamischot en Engiadina Bassa sa chatta tranter Strada e Martina ed è fitg spezial cun ina grondezza limitada. Sin quel areal han lieu maximalmain 150 persunas. Spezial è er il stil da musica ch’ins auda durant il festival. Uschia cumenza quel open air cun musica populara e finescha cun musica da rock rumantsch.

TSU han inizià il festival

Ils iniziants e organisaturs èn la gruppa da Rock TSU «Tschierv sül urogal» cun Otmar Derungs a la testa. Tar l’emprima ediziun avant 10 onns eran ils Engiadinais l’unica gruppa sin il program. Uss, 10 onns pli tard, èn 8 gruppas da la partida.

audio
Mezdi: Giubileum 10 onns open air Sclamischot
ord Actualitad dals 15.07.2016.
laschar ir. Durada: 2 minutas 41 Secundas.

Program cumenza sonda saira a las ses

Da la partida èn la Chapella Engiadina, Paulin Nuotclà ed amis, ils Fränzlis da Tschlin, Dure (musica populara psychedelica). A partir da las 22 h èn vidlonder Influenza, Reat, Snook e finalmain ils organisaturs sez, la gruppa TSU.

Artitgels legids il pli savens