Anc adina vegn betunà, installà l’electronica e tut la tecnica necessaria, ma a partir da la stad vegnan fatgas las emprimas emprovas era cun laschar cular l’aua tras il tunnel enfin a Prutz en Tirol. Dapi il 2018 èn las turbinas prontas, ma quellas n'han betg vis aua enfin ussa.
Il project vegn a custar 620 milliuns euros, ma tuttina, tenor il mainagestiun dal GKI Johann Herdina vegn quest’ovra idraulica ad esser economica. Quella vegn a producir forza per radund 90’000 chasadas.
Il «Landeshauptmann» Günther Platter fa visita
El persunalmain ha vulì avair invista da las lavurs sin il plazzal da construcziun ad Ovella sin il cunfin tranter la Svizra e l’Austria.
Gist en il temp d’ozendi è questa ovra la gista resposta per producir forza electrica.
L’avertura da l’ovra idraulica communabla GKI è previsa per ils 4 da november 2022.
Anfang Bildergalerie
Bildergalerie überspringen
-
Bild 1 von 4. Il mir da serra ad Ovella tranter il cunfin svizzer – austriac. Bildquelle: RTR, Georg Luzzi.
-
Bild 2 von 4. Las davosas betonadas ad Ovella. Bildquelle: RTR, Georg Luzzi.
-
Bild 3 von 4. Gottfried Ötzbrugger infurmescha ils preschents. Bildquelle: RTR, Georg Luzzi.
-
Bild 4 von 4. Politchers dal Tirol e Valsot fan la visita al GKI. Bildquelle: RTR, Georg Luzzi.
Ende der Bildergalerie
Zurück zum Anfang der Bildergalerie.