Siglir tar il cuntegn

Header

video
Glatsch nair sin ils lais - bel ma er privlus
Or da Telesguard dals 13.01.2020.
laschar ir. Durada: 3 minutas 34 Secundas.
cuntegn

Glatsch nair sin ils lais Fascinaziun cun gronds ristgs

Il glatsch nair sin ils lais en l’Engiadin’Ota è ina fascinaziun rara. Blers indigens e giasts giaudan la patinera natirala. La fascinaziun ha dentant er ina vart sumbrivauna. Enfin oz èn enconuschents 18 cas da persunas ch' èn ruttas en. Pliras han gì fortuna e n'èn betg vegnidas blessadas. Autras èn vegnidas blessadas grevamain.

audio
Lais schelas dentant tuttina privlus
ord Actualitad dals 13.01.2020.
laschar ir. Durada: 3 minutas 8 Secundas.

Privel grond

Tenor Cristiano Luminati, il president da la cumissiun da lais, èsi impurtant d’enconuscher ils privels avant ch’ins va sin il glatsch. Quels èn numnadamain gronds. Ils lais n'èn betg schelads cumplettamain ed els n'èn betg dads libers uffizialmain uschia che mintgin va sin il glatsch sin agen ristg. Sch’ins va sin il glatsch saja tenor Cristiano Luminati impurtant da guardar oravant, uschia ch' il privel po vegnir previs a temp. In auter aspect saja, da betg ir sulet sin il lai. La schanza da rivar or sch’ins rumpa en saja pitschna. Sch’ins resguarda ils tips dals experts pon ins giudair cun buna conscienza il fenomen da la natira.

RTR, actualitad 17:00

Artitgels legids il pli savens