Siglir tar il cuntegn

Header

cuntegn

Glatscher Pers Senda d’aventura sin il glatscher

Il glatscher Pers sur Diavolezza en Engiadin’Ota svanescha adina dapli. L’onn 2016 ha el sa distatgà cumplettamain dal glatscher Morteratsch e dapi là vesian ins mintg’onn in midament dal glatscher, uschè la glaziologa Christine Levy. Visibel saja il regress oravant tut, perquai ch’i cuccan ord il glatsch adina puspè novs grips. Tenor ina prognosa persunala da la glaziologa, dettia quai in var 40 onns lais, là nua ch’i ha oz anc glatsch e naiv.

Legenda: Mintg'onn ins vesa ina midada dal glatscher Pers. RTR, Selina Planta

Senda d’aventura

Per sensibilisar la populaziun davart la tematica ha la Diavolezza/Lagalb SA installà ensemen cun la scola da guidas da muntogna, la vischnanca da Puntraschigna e la societad Bernina Glaciers ina senda che maina da la staziun da muntogna Diavolezza sur la morena dal vadret Pers ed enavos. Sin quella tura pon las visitadras ed ils visitaders ramassar impressiuns imposantas dal glatscher.

audio
Senda d'aventura sin il vadret Pers
02:33 min, Actualitad dals 12.08.2021.
laschar ir. Durada: 02:33 minutas.

RTR actualitad 17:00

Artitgels legids il pli savens

Scrollar a sanestra Scrollar a dretga