Siglir tar il cuntegn

Header

Navigaziun

Purtret d'in tren da la Viafier retica ed ina posta, davostier è da vesair Scuol.
Legenda: In mez onn resta il traject tranter Susch e Scuol-Tarasp serrà. MAD, Viafier retica
cuntegn

Engiadina Glindesdi cumenzan lavurs vid tunnels en Engiadina Bassa

En l'Engiadina Bassa serra la Viafier retica in mez onn il traject tranter Susch e Scuol-Tarasp. Ils 11 da mars duain las lavurs da sanaziun cumenzar e cuzzar fin ils 7 da settember.

La Viafier retica serra l'emna proxima dal tut il traject tranter Susch e Scuol-Tarasp per pudair sanar ils tunnels da Magnacun e Giarsun. Dals 11 da mars fin ils 7 da settember vegnan ils passagiers transportads sin quest traject cun bus, communitgescha la Viafier retica.

Ils temps da viadi vegnan adattads levet. Per clients da vitgira porscha la Viafier retica ina pussaivladad da midada sin la staziun da Zernez. Betg pertutgà da la serrada è il transport d'autos al Veraina e la colliaziun directa tranter Landquart e San Murezzan.

RR novitads 14:00