Siglir tar il cuntegn

Header

cuntegn

Glisch verda da la regenza Scuol po definir ulteriuras zonas da paus per la selvaschina

I va per unifitgar las disposiziuns davart las zonas da paus per la selvaschina en las leschas da construcziun da las anteriuras vischnancas dad Ardez, Guarda, Ftan, Scuol e Sent ch'èn oz fracziuns da la vischnanca fusiunada Scuol. Il medem mument vegnan er definidas ulteriuras zonas da paus. Suenter ch'il suveran ha gia ditg Gea a las midadas a l'urna ils 13 da favrer da quest onn, ha uss er la regenza dà ses consentiment.

Ulteriuras zonas da paus sin basa da las bunas experientschas en la Val S-charl

En la Val S-charl existan gia zonas da paus per la selvaschina. Quellas hajan gidà bain d'evitar che la selvaschina vegn disturbada en ils quartiers d'enviern impurtants tras adina dapli sportists d'enviern ch'èn da viadi sin novas rutas cun skis, snowboard e gianellas.

Perquai duain tals territoris da paus uss er vegnir determinads en

  • il God da Praditschöl ed
  • il God da Tamangur.

Las zonas existentas en ils territoris da Peidra Pignan, La Tulaida, Clüs e Chanouva ad Ardez duain vegnir determinadas da nov tenor la furma unifitgada en la lescha da construcziun. Sur Ardez èsi plinavant planisà da transferir la senda da chaminar e da viandar sin la via forestala existenta. La part sut da la senda da viandar existenta vegn persuenter abolida.

charta geografica da surengiu (satellit) cun zonas en ils guauds d'Ardez, Bos-cha sco er la Val S-charl èn martgadas.
Legenda: Sanester zonas pertutgadas ad Ardez e Bos-cha e dretg zonas da paus sisum la Val S-charl. swisstopo / chantun grischun
audio
Per tadlar: Novitads grischunas da las 12:00
ord RTR Audio dals 13.10.2022.
laschar ir. Durada: 6 minutas 6 Secundas.

RTR novitads 12:00

Artitgels legids il pli savens