Siglir tar il cuntegn

Engiadina Glisch verda per il lai da bagnar «Padnal» a Ftan

Suenter 40 onns vegn il lai da bagnar en vischinanza da l'Institut Otalpin a Ftan puspè renaschì. Il chantun Grischun ha dà il consentiment.

Dal 1935 enfin en ils onns 1980 era quest lai avert, quella giada per las scolaras da l'Insitut Otalpin che sa chatta en vischinanza. Per motivs da segirezza è quel lura vegni serrà.

Renaschientscha grazia a la Pro Ftan

L’organisaziun Pro Ftan sut la batgetta dal hotelier Balser Derungs han ramassà ils raps per reconstruir il pitschen lai da bagnar. Ils custs muntan a 360’000 francs. 100’000 francs vegn da la vischnanca, 140’000 tras in'acziun da crowdfunding, il rest vegn finanzià da la Pro Ftan sez.

L’emprima badigliada ha lieu l’entschatta zercladur 2018. Previs èsi da realisar in lai natiral, ina gardaroba, ina puntera, la tualetta e giaschaditschs per star a sulegl. L’avertura vegn ad esser la primavaira 2019.

RR novitads 06:00