Avant 15 onns è vegnida fundada questa furma da turnier cun la finamira da purtar pli damanaivel il golf a la glieud in Europa.
Sfida da l'organisaziun
Da pudair organisar quest turnier per l’emprima giada en Engiadina è per il maina gestiun Ramun Ratti ina grond’onur. La gronda sfida da l’organisaziun saja d’ina vart la collavuraziun cun ils partenaris nua che han lieu divers puncts dal program apart da las plazzas da golf e da l’autra vart la coordinaziun dal transport dals prominents. Da tut il mund sgolan els a Turitg u Milaun ed han da vegnir purtads en Engiadina.
Trofea prestigiusa
Spezial tar l’eveniment saja er che il vair buccal dal Ryder Cup è en Engiadina durant il turnier. Er quel è in motiv che las plazzas limitadas dals amaturs sajan tschertgadas.
Hockeyaners possian congualar la trofea cun quella dal Stanley Cup.
Il turnier ha lieu dals 23 enfin ils 25 da fanadur en Engiadina.
RR 9:30