Gourmet Festival occupà fin sin l’ultim plaz
- Actualisà Glindesdi, 1.2.2016, 7:59
Er la 23avla ediziun dal « Gourmet Festival » ha attratg numerus giasts in Engiadina. Surtut grazia als cuschiniers giapunais ch’eran giasts quest onn, eran tut ils stgabels occupads durant 5 dis.
Bild in Lightbox öffnen.
Legenda da maletgs: Maisa en la sala da l'hotel Carlton a San Murezzan, pronta per servir il dessert. RTR, A. Caprez
«Yokosom Nippon – Bainvegni Giapun » è stat il motto dal festival 2016. 9 cuschiniers renumnads dal Giapun han procurà che tut las 40 occurrenzas èn pli u main stadas vendidas ora. En tut hajan visità e giudì 4500 persunas las differentas purschidas dal Gourmet Festival San Murezzan, scriva l’organisaziun suenter ina tschaina finala cun 400 persunas.
Bunas cifras d'occupaziun
Tut ils hotels da la classa superiura a San Murezzan e conturns ch’èn involvids en las differentas degustaziuns e tschainas preparadas dals cuschiniers giapunais, han pudì registrar fitg bunas cifras d’occupaziun ha declerà il president da l’organisaziun, Reto Mathis.
Success per Gourmet Festival San Murezzan 2016
3:34 min, Novitads dals 12.01.2016