Tenor la communicaziun da la Rega era la mattetta ida davent da la staziun da muntogna Muottas Muragl, senza ch'insatgi haja vis. Cunquai ch'ella era sparida haja la patruglia da pista alarmà la Rega da Samedan. Er giun plaun hajan ins tschertgà la mattetta. Sper la patruglia ed il servetsch dal salvament alpin sajan er persunas privatas sa gidadas. La finala hajan ins clamà in helicopter ch'ha in sistem da tschertga cun plirs sensurs, tranter auter ina camera termica.
Cun agid da la camera termica hajan ins chattà la mattetta en la spunda intgins tschients meters en il sid da la staziun da muntogna Muottas Muragl. Ella haja gì ina leva sfradentada. Quant ditg che la mattetta è stada en il liber, na vegn betg scrit.