La gievgia suentermezdi è ina dunna cupitgada cun ses velo sin la pista da downhill da la funiculara «Chantarella». La dunna è sa blessada grevamain vi dal dies.
La dunna da 29 onns da la Slovenia era sin viadi a val sin il traject da downhill numer in en direcziun Chantarella. Radund 300 meters avant la fin dal traject saja la dunna lura cupitgada, scriva la Polizia chantunala. La Rega ha salvà la dunna cun grevas blessuras vi dal dies, e sgulà ella en l’Ospital chantunal a Cuira.
