Grevblessà a Zernez - Motociclist collidescha cun auto

Sin la via dal Pass dal Fuorn è collidà in motociclists cun in auto da persunas. Sco quai che la Polizia chantunala scriva saja il motociclist sa blessà grevamain. Persunas al lieu sco lura er in'ambulanza hajan tgirà il grevblessà fin ch'in helicopter da salvamant haja sgulà el en l'Ospital chantunal dal Grischun a Cuira.
L'accident è capità venderdi saira en ina curva suenter ch'il motociclist era vegnì cun sia maschina sin il vial opost. Là è el collidà cun la vart da l'auto. Tant la moto sco era l'auto èn vegnids donnegiads totalmain.