Siglir tar il cuntegn

Header

video
Start-Ups sco schanza
Or da RTR dals 11.10.2016.
laschar ir
cuntegn

Engiadina Grischun dal sid duess daventar regiun per Start-Ups

Daventar attractiv per firmas novas innovativas. Quai è la finamira en il Grischun dal sid per stgaffir novas plazzas da lavur. In studi, incumbensà da las trais regiuns Bernina, Malögia ed Engiadina Bassa/Val Müstair mussa che quai è pussibel.

Per attrair Start-Ups dovri l’infrastructura adattada. Quella è per gronda part dada. Ina rait da fibra da vaider en tut la regiun è dada. Era l’infrastructura, in prima lingia cun uscheditgs «Co Working Spaces» ch'existan gia a San Murezzan, Samedan e Scuol èn avant man. Quellas firmas duessan esser activas en las spartas turissem, sport e sanadad.

Emprims interessents èn gia avant maun

Durant la lavur da quel studi èn gia vegnidas contactadas differentas firmas. Pliras han era demussà lur interess da sa staziunar en la regiun Grischun dal sid. Tut quai pudess ir relativamain svelt. Sche tut va bain pudessan vegnir las emprimas firmas gia en in mez on en Engiadina. Per realisar l’infrastructura optimala per pliras firma duvrass quai era l’agid finanzial da la regiun sco er dal chantun sur la promoziun da l’economia.

RR actualitad 17:00

Artitgels legids il pli savens

Scrollar a sanestra Scrollar a dretga