La societad che stat davos quest project vul cun 14 emprimas abitaziuns pussibilitar spazi da viver pajabel per indigenas ed indigens. Quest giavisch per spazi da viver stat encunter la protecziun da surfatschas libras.
Tgi che vul cumprar ina da questas abitaziuns en la part dal vitg Davous sto ademplir diversas cundiziuns. Vitiers èsi necessari da far transparent la situaziun finanziala. Da 19 dumondas concretas adempleschian 16 las premissas per cumprar in'emprima abitaziun cun status sco indigen, sco las gasettas da la Somedia scrivan.
Cunter il project hai dentant dà recurs tar la vischnanca da Bever. Cura che la permissiun da construcziun è avant maun, cumenzian ins cun la construcziun forsa gia il 2023. Quai ha ditg la manadra dal project ed architecta Marisa Feuerstein.
