Engiadina - Grond interess per l’avertura da la «Bever Lodge» - Novitads

Engiadina Grond interess per l’avertura da la «Bever Lodge»

L’interess ed il plaschair davart la «Bever Lodge» era grond a Bever. Numerusas persunas da l’Engiadina ed utrò èn vegnids al di da las portas avertas. In di d’allegrezza tant per ils iniziants sco era per la vischnanca da Bever, che spetga nova vita e novs impuls.

La Bever Lodge è l’emprim hotel da modular en Svizra. Las 42 chombras ed ils 5 ulteriurs moduls sco il center da fitness èn vegnids bajegiads da l’interpraisa Uffer a Savognin ed alura transportà a Bever.

audio

Bunura: Di da las portas avertas da l'hotel modular Bever Lodge

04:01 min, Actualitad dals 14.12.2015.

laschar ir. Durada: 04:01 minutas.

Cun il resultat èn ils acziunaris da la Bever Lodge SA dapli che cuntents. 10 milliuns francs ha l’entir project custà, radund in milliun ha be il transport dals moduls custà.

Igl è in project ch’è gartegià tras e tras sch’ins dumonda ils uffizials; ma era ils visitaders èn intgantads.