Legenda:
La discussiun da podi cun il regent grischun, Jon Domenic Parolini.
fotoswiss
cuntegn
Engiadina - Grond interess per turissem da sanadad en Engiadin’Ota
Passa 110 persunas han frequentà l’emprima conferenza «turissem e sanadad» a Puntraschigna. Ils turistichers, medis e politichers han vulì udir nua, co e sche insumma ch’ins pudess introducir er en lur regiun in turissem da sanadad per activar in nov champ turistic.
A maun da plirs referats è vegnì preschentà a la conferenza exempels da ressorts ed hotels che funcziunan gia tenor il princip da medical wellness. Sut il stritg è clar ch’i dess in grond potenzial er en Engiadin’Ota, la realisaziun da quel è dentant pli difficil.
Sco ch’il regent d’economia Jon Domenic Parolini ha declerà ad RTR, fiss il chantun er pront da sustegnair tals projects. En in emprim pass vess però la regiun l’emprim d’instradar ed iniziar l’idea.
