Era en vals periferas pon ins lavurar cun grond success. Quai mussa l’exempel da Claudio Lanfranchi. El è in dals pli gronds martgadants da mel d’avieuls da la Svizra ed ha sia fatschenta en il Puschlav, a Brusio. 150 tonnas mel cumpra el ad onn ord l'entira Svizra, fa atgnas mixturas e venda ellas a detaglists gronds.
Dapi 60 onns exista la firma Apimiel a Brusio. In'istorgia da success, malgrà la periferia. In dischavantatg è segiramain la gronda distanza dal center da la Svizra, sco avantatg menziuna il mainagestiun Claudio Lanfranchi ils custs pli bass da producziun ed era d’infrastructura.