Gronda fulla per vendita d’inventar dal anteriur Hotel Misani

La nova possessura dal Hotel Misani, la Simmen Invest AG, vul far ord l’anteriur hotel in Boutique-Resort. Perquai vegn quests dis vendì tut l’inventar.

Laschar ir video «Liquidaziun Hotel Misani»

Liquidaziun Hotel Misani

3:18 min, dals 27.10.2017

Da giusut fin sisum. Tut sto davent. Quai è la devisa per la vendita dal inventar dal anteriur Hotel Misani a Schlarigna. La nova possessura, la Simmen Invest AG, vul durant ils proxims dus onns numnadamain far ord l’anteriur hotel in Boutique-Resort nua che las 39 stanzas duain far plazza a 13 abitaziuns economisadas.

Mirveglias e quitads

L’interess surtut dals indigens n'è betg mo da chattar ina u tschella truvaglia, ma era da prender cumià dal vegl hotel. Ils quitads da perder anc in ulteriur hotel en la regiun èn numnadamain gronds. Tenor la Simmen Invest AG na perdia la regiun betg in hotel, mabain mida mo funcziun en in hotel d'appartaments. Segund els porta in tal hotel dapli a la regiun ch'in hotel serrà.

RR actualitad 17:00