Siglir tar il cuntegn
Inhalt

Engiadina Gruppa unescha architectura e svilup local en l'Engiadin'Ota

En l'Engiadina è vegnida fundada ina gruppa da lavur per il svilup dal territori e l'architectura en la regiun d’Engiadin'Ota.

visualisaziun nova Migros a Samedan
Legenda: Er la planisaziun dal quartier Cho d'Punt a Samedan duess esser d'interess per tuts. Fanzun SA

La savida da la gruppa duai vegnir a favur da la populaziun, las vischnancas ed era persunas privatas, ha declerà il president da la gruppaziun, Daniel Pensa da Silvaplauna. Tenor el duain il svilup dal territori e l’architectura en l’Engiadina chattar in consens per impedir svilups faus.

L’uniun fa la forza

Ord quest motiv han 12 architects da l’Engiadin’Ota s’unids ad ina gruppa d’experts: «Fachgruppe für Raumentwicklung und Architektur Oberengadin», curt FARO.

Dumondas d'architectura e svilup local vegnian savens vesidas memia local
Autur: Daniel PensaPresident da FARO

Esser avert per visiuns pli vastas

Tenor il president da la gruppa ed architect Daniel Pensa, stoppian ins vesair il svilup architectonic sco part da l'entir che giaja sur ils cunfins da las vischnancas ora. Savens guardian ins dumondas d’architectura e svilup memia local.

La gruppa saja era averta per ulteriurs experts e spezialists. La finamira saja da metter a disposiziun a l’Engiadina Ota schliaziuns e da prender si temas giavischads da la populaziun. Fin uss n’haja la gruppa anc betg survegnì gronds resuns – surtut nagins da la vart politica, la Regiun Malögia, ha deplorà Daniel Pensa.

RR novitads 18:00