Siglir tar il cuntegn

Header

cuntegn

Guaud da protecziun Ramosch Ils scolars e las scolaras da Valsot lavuran per l'avegnir

Segirar il guaud per las generaziuns futuras. Las scolaras ed ils scolars da la scola primara implantan arbers per proteger la vischnanca da Ramosch.

Bos-cha Grischa sa numna il guaud da protecziun sur la vischnanca da Ramosch. Quella consista per gronda part or da pins e tieus. Ensemen cun il selvicultur e ses collavuraturs è la scola primara da viadi per implantar novs giuvens arbers, oravant tut arbers da feglia.

Arbers adattads al clima

Il ruver tardiv, l’ischi champester, il culaischen, la fignecla e senz’auter era il tieu vegnan implantads. La diversitad è impurtanta per mantegnair il guaud era per las generaziuns futuras. Tenor il selvicultur Mario Denoth ston ins far quint cun temperaturas pli autas en l’avegnir e sin quella situaziun ston ins reagir a temp.

audio
Project d’implantar plantas a Ramosch
ord Actualitad dals 26.05.2020. Maletg: RTR, Georg Luzzi
laschar ir. Durada: 3 minutas 6 Secundas.

Scola e selvicultura – ina simbiosa

Ina giuvna generaziun gida a proteger il guaud da protecziun per las futuras generaziuns. Las scolaras ed ils scolars da la scola primara da Valsot vegnan ad emprender sur dal guaud da protecziun e sia funcziun, ma era sur da las differentas plantas. E viceversa profita la selvicultura dals blers mauns che gidan ad implantar las plantas en il guaud.

Las differentas plantas implantadas a Bos-cha Grischa

TieuWaldföhre
FigneclaMehlbeere
Ruver tardivTraubeneiche
Ischi champesterFeldahorn
CulaischenVogelbeere
Tieu alpinBergföhre

RTR actualitad 17:00

Artitgels legids il pli savens