Guaud Grischun propona mesiras cunter donns da selvaschina

Per impedir donns vid las plantas giuvnas en ils guauds stuess ins en prima lingia reducir la selvaschina.

radunanza generala da Guaud Grischun Bild in Lightbox öffnen.

Legenda da maletgs: La radunanza generala da Guaud Grischun en Val Müstair. RTR/D. Spinnler

La radunanza generala da Guaud Grischun ha decidì a sia radunanza generala en Val Müstair in palpiri da posiziun en vista als donns da selvaschina en ils guauds grischuns.

La problematica saja sin maisa dapi radund 40 onns, las mesiras che Grischun Guaud pretenda uss duain gidar a finalmain schliar ils problems. La mesira centrala che Grischun Guaud propona è da reducir la selvaschina.

La regenza grischuna haja decidì già l'onn 1986 ch'il dumber da tschiervs en il Grischun stuess esser tar 10'000. Oz datti dentant 16'000 tschiervs en Grischun. Perquai èsi per Grischun Guaud evident ch'ins stuess finalmain reducir il dumber da selvaschinas. Dentant propona il palpiri er ina meglra collavuraziun tranter ils uffizis da chatscha e da guaud grischuns.

La radunanza generala ha era reelegì ses president Mario Riatsch.

RR actualitad 17:00