Dapi il cumenzament da december èn ils restaurants en Grischun serrads. Per blers lavurers va questa situaziun vi da la substanza. Els lavuran numnadamain tut il di e tar mintg’aura dadora. Ina pussaivladad per mangiar gentar a chaud na datti betg.
Flexibilitad è dumandada
Gudench Camichel lavura sco toler a Zuoz. Durant quests dis tutga il spalar or ils tetgs tar sia lavur principala. Da la damaun fin la saira van el e ses collegas da lavur da chasa a chasa e spaleschan la naiv giu dals tetgs. La pausa da gentar han els da far sco i va. Mintgatant han els la pussaivladad dad ir a mangiar en la buda, autras giadas mangian els simplamain en l'auto u en il liber. Gronds menus na dettia quai però betg. Dapi ch’ils restaurants èn serrads, datti tar Gudench Camichel numnadamain in gentar fraid.
L’ultima giada che jau hai mangià gentar en in restaurant era la fin da november. Dapi là datti gentar fraid.