Siglir tar il cuntegn

Engiadina Gudench Campell surpiglia scola da skis Zuoz/La Punt

El succeda a Duri Campell che ha demissiunà sco manader da la scola. Lez candidescha per in sez en il cussegl naziunal.

Gudench Campell cun giacca cotschna.
Legenda: Gudench Campell surpiglia la scola da skis Zuoz / La Punt Chamues-ch per proxima stagiun d'inviern. RTR/A. Caprez

Gudench Campell ha 28 onns ed è magister da skis patentà. Actualmain maina el in hotel a Cinuos-chel e dus manaschis gastronomics a Zuoz ensemen cun sia partenaria.

Trais candidats

La suprastanza da la societad "Scoula da skis Zuoz/La Punt Chamues-ch" haja elegì Campell or d'ina schelta finala da trais candidats tuts fitg valaivels e capabels, ha declerà Duri Campell a Radiotelevisiun Svizra Rumantscha. Gudench Campell è il nev da Duri Campell che candidescha per in sez en il cussegl naziunal.