Engiadina - Hackathon: Novas ideas per regiuns - Novitads

Engiadina Hackathon: Novas ideas per regiuns

10 firmas da start-up da 5 pajais han pudì mussar al Hackathon tge ideas creativas ed innovativas ch'ellas vesan per ir enturn e duvrar la digitalisaziun. Organisà l'eveniment han las regiuns Malögia, Engiadina Bassa/Val Müstair e Bernina.

Autur: Violanta Rominger

La finamira è d'avair in product, in'idea ch'ins po era propi duvrar en pratica. Quai stoppia esser la finamira da l'eveniment, ha ditg Andrea Gilli, sviluppader regiunal d'Engiadina Bassa/Val Müstair.

audio

Bunura: Puntraschigna: Hackathon - startups

ord Actualitad dals 24.03.2017.

laschar ir. Durada: 3 minutas 14 Secundas.

Impurtant saja surtut era la moda e maniera co che las interpresas turisticas en las regiuns giajan enturn cun datas da clients.

10 products, prototips, ideas

48 uras han las 10 firmas gì temp da lavurar vid ina idea innovativa. A disposiziun stevan las datas dad 11 interpraisas indigenas ch'èn sa participadas activamain. Ellas han mess a disposiziun las datas e fatg ina dumonda concreta da «far il hacken» – vul dir da schliar. Ina u l'autra idea ha persvadì il public.