La Gurlaina SA ha fatg l’onn passà in gudogn da 26'500 francs. Cun quai hajan ins ademplì las finamiras finanzialas, hai num en il rapport annual da la halla da glatsch a Scuol, sco l’ANR scriva.
Lavurs da sanaziun èn terminadas
En pli haja la segunda ed ultima etappa da sanaziun dals implants tecnics pudì vegnir realisada. Il cussegl d’administraziun sa mussa enavant era cuntent cun l’occupaziun da la halla. Dasper il club da hockey Engiadina passentian era diversas squadras d’ordaifer lur champs da trenaments a Scuol. Ins haja pudì organisar per la segunda giada la finalissima dals juniors ed era la stad duvrà bain la halla durant l’EBexpo ni il Bike-Maraton tras il Parc Naziunal Svizzer.
RR novitads 17:00
