Sin dumonda da la Regiun Malögia ha la suprastanza communala da Samedan decis da sclerir anc ina giada la pussaivladad d’ina halla da glatsch regiunala sin il territori «Promulins Ost». Quel lieu era vegnì sbittà l’atun 2020, suenter che la possessura da la parcella prevesida, la vischnanca burgaisa, aveva decis da betg vender il terren a la vischnanca.
Uss tschertga la vischnanca anc ina giada il dialog cun la proprietaria e valitescha la disponibilitad dal territori, sco i ha num en la communicaziun. La raschun: San Murezzan ha decis il december da l'onn passà da betg metter a disposiziun l'areal «Signal».
La direcziun e la decisiun finala davart il lieu e la concepziun dal project regiunal resta però vinavant tar la Regiun Malögia, suttastritga la vischnanca en la communicaziun.
