Dr. Hanspeter Frank haja lavurà dapi il 2001 en differentas clinicas svizras en ils secturs da finanzas, management ed en cussegls d’administraziun, scriva la Clinica Gut SA en sia communicaziun. Avant ch’el era vegnì activ en il sectur da sanadad saja l’econom da manaschi Frank stà docent e revisur.
Andrea Urfer, il delegai dal cussegl d’administraziun da l’interpresa, sa mussa cuntent da lur tscherna. Cun Hanspeter Frank haja la clinica pudì impiegar in expert fundà dal sistem da sanadad svizzer ed in manader da fatschenta cun experientscha.
Hanspeter Frank surpiglia ses uffizi sco manader operativ da la Clinica Gut SA per il prim da december 2018.
Il matg aveva fatg a savair la Clinica Gut SA ch’ella sa separia da sia CEO Anke Senne. La manadra da l’interpresa ed il cussegl administrativ da la Clinica Gut SA na sajan betg ids perina pertutgant l’avegnir da l’interpresa.
RR novitads 17:00