Il fundament per il grond success da la famiglia Hartmann senior e pli tard era junior è stada l’introducziun dal turissem en Grischun. Hotels en stil da chastels e palazis sco per exempel il Kulm a San Murezzan, il Castell a Zuoz ed era l’hotel Waldhaus a Vulpera èn objects dals Hartmann’s. Cun l’arriv da la viafier retica è Hartmann junior stà l’architect dal sez principal a Cuira e da pliras staziuns en Grischun.
Sut il num «Hartmann – l’architectura d’ina famiglia» vul il museum engiadinais a San Murezzan, era in object da Nicolaus Hartmann junior, onurar las lavurs architectonicas da gronda valur. La vernissascha ha lieu ils 27 da december e l’exposiziun dura dals 28 da december enfin ils 20 d'october 2019.
RR novitads 18:00