La radunanza generala da la Società da promoziun Sport da skis Regiun Parc Naziunal ha elegì Gerhard Hauser da Scuol sco nov president. El è il successur da Marco Müller che ha demissiunà.
Sco represchentant da la regiun Engiadina Bassa è nov Rico Kienz en la suprastanza, e per la vischnanca da Zernez Seraina Bickel. Sco referent è stà preschent il passlunghist Corsin Hösli a la 7avla radunanza generala.