Engiadina - Haute couture ed haute coiffure al White Turf
Durant las ceremonias dals victurs èn ellas ils stars sin il lai, las damas d’onur. Ils fotografs e teams da camera piglian directamain en mira ellas cun sias frisuras e vestgids extravagantas.
Sin la testa portan ellas in construct da fier che ha la furma d’ina testa da chaval. Or da quest han Jürg Oschwald e ses team dal coiffeur Figaro a San Murezzan fatg ina perucca.
Ils vestgids ch'ils 3 models indigens portan èn dal designer Peter George D’angelino Tap. Unicats – perquai ston las giuvnas avair ina top figura. Ina taglia maximala da 67 centimeters tar ina grondezza minimala dad 1 meter e 72.
