Siglir tar il cuntegn

Header

audio
San Murezzan: High Valley Low Mag – in nov magazin da cultura
Or da Actualitad dals 07.06.2021.
laschar ir. Durada: 02:34 minutas.
cuntegn

High Valley Low Mag Preschentar in auter mund cultural enturn San Murezzan

Marie-Hélène Froidevaux ha realisà in magazin da cultura en maniera allegraivla.

Avant dus onns è Marie-Hélène Froidevaux vegnida a star en Engiadina. Svelt haja ella emprais ad enconuscher in auter mund cultural sco quai ch’ella aveva l’impressiun. Numnadamain saja la cultura enturn San Murezzan stà per ella adina ina cultura da tschintg stailas. I dettia però numerusas artistas ed artists indigens che fetschian art «zuppà», e quel duai tenor ella vegnir promovì.

Jau vi mussar l’art che na penda betg en galarias. Simplamain creaziuns da persunas che fan art cun plaschair.
Autur: Marie-Hélène Froidevauxinizianta High Valley Low Mag

High Valley Low Mag

Perquai ha Marie-Hélène Froidevaux realisà il High Valley Low Mag. In magazin da cultura che preschenta art zuppà dad artistas ed artists indigens. 14 artistas ed artists han pia creà las bunamain 60 paginas dal magazin da cultura. Artitgels alleghers, skizzas, cartas postalas e perfin cartinas per emprender rumantsch chattan ins en il cudeschet.

Duas ediziuns l’onn

Questa primavaira è cumparida l’emprim’ediziun dal High Valley Low Mag. Sper in pitschen sustegn dal chantun ha Marie-Hélène Froidevaux finanzià privat il cudeschet. A lunga vista saja la finamira da realisar cun las entradas da la vendita duas ediziuns ad onn dal High Valley Low Mag.

RTR actualitad 17:00

Artitgels legids il pli savens

Scrollar a sanestra Scrollar a dretga