Siglir tar il cuntegn

Header

Video
Turnier da hockey sco di da sport da scola
Or da Telesguard dals 12.11.2019.
laschar ir
cuntegn

Hockey per uffants 180 scolars en 24 teams – in turnier

Ils uffants da las scolas tranter Guarda e Martina han gì in turnier gigantesc da hockey.

Dapi 11 onns datti in di tut spezial en Engiadina Bassa per ils scolars da la terza enfin la sisavla classa. In di da sport cun in turnier da hockey en la halla da glatsch Gurlaina a Scuol.

Quest turnier e daventà quasi ina tradiziun per las scolas. Be ina unica classa n'è betg sa participada al turnier. Quest turnier è part da la Postfinance Trophy cun 26 lieus da turnier en tut la Svizra cun in final la mesadad da favrer a Kreuzlingen.

La Swiss IC Hockey e la Postfinance Trophy mettan a disposiziun l’equipament per ils giugaders. Be ils patins ston las scolas organisar sezzas.

La purschida dals sponsurs e dal club da hockey Engiadina cunvegn a las scolas. Organisar sezzas in di da sport cun hockey na fiss per ellas betg pussibel.

TR Telesguard 17:40