Siglir tar il cuntegn

Header

Video
Il hotel Carlton sa prepara per l'enviern
Or da Telesguard dals 04.12.2019.
laschar ir
cuntegn

Hotel Carlton «Sch’ins tracta bain ils collavuraturs restan els»

L’hotel Carlton a San Murezzan fa l’affar da l’onn mo durant 4 mais d’enviern. Che l’hotel da luxus da 60 suitas po porscher in aut standard, han er ils collavuraturs d’esser engaschads e motivads. Tenor il directur, Philippe Clarinval è quai be pussaivel cun sustegnair e scolar els.

Nus scolain noss collavuraturs gia avant ch’els cumenzan a lavurar. Be uschia pudain nus transferir nossa filosofia.
Autur: Philippe Clarinvaldirectur hotel Carlton

Collavuraturs ambizius

Tras las scolaziuns e la gronda pretaisa che l’hotel ha, saja el er dumandà tar blera glieud. Tenor Philippe Clarinval sajan ils 138 collavuraturs da l’hotel Carlton fitg ambizius e vulan rivar vinavant.
Ed er quai porscha l’hotel. Sco patrun sa haja d’esser avert e d’avair chapientscha sche in collavuratur n’ha betg pli ina schanza da rivar vinavant intern ed alura laschar ir els.

Collavuraziun interna

Che l’hotel Carlton n’ha betg la problematica da chattar avunda persunal ha però er da far cun la buna collavuraziun interna. L’hotel tucca tar la “Tschuggen Hotel Group” e po uschia surprender persunal d’auters hotels.
Philippe Clarinval è però persvas che cun la gista strategia sa chatti adina puspè avunda persunal.

RTR actualitad 07:00