Siglir tar il cuntegn
cuntegn

Engiadina Hotel Flaz a Puntraschigna davant Tribunal federal

400 persunas avevan suttascrit l’iniziativa encunter il project – quella voluntad saja da respectar, perquai dess ussa decider l’instanza la pli auta.

Purtret dal model dal hotel Flaz planisà.
Legenda: Model dal hotel Flaz previs a Puntraschigna. RTR, Ulrica Morell

Ch’el saja memia grond e na giaja betg a prà cun il purtret dal vitg, quai eran ils arguments dals iniziants che han ramassà 400 suttascripziuns il 2017. Il vischnanca da Puntraschigna aveva però declerà l’iniziativa sco nunvalaivla, ina decisiun che era la dretgira administrativa dal chantun Grischun ha sustegnì.

Ils iniziants inoltreschan ussa definitivamain il cas a la proxima instanza giuridica – la voluntad da las 400 persunas saja da respectar. Il vitg da Puntraschigna ha prendì enconuschientscha da la decisiun dals iniziants e spetga sin la decisiun finala dal Tribunal federal.

Previs era da cumenzar la primavaira 2019 cun il project d’in hotel da 94 chombras e cun custs da 20 milliuns francs.

RR novitads 17:00