Siglir tar il cuntegn

Header

Il hotel Kulm a San Murezzan.
Legenda: Il hotel Kulm a San Murezzan. RTR
cuntegn

Hotel Kulm – San Murezzan Da bunas speranzas en vista a la stad 2021

L’hotel da tschintg stailas a San Murezzan sa prepara per la stad – il giast svizzer vegn ad esser impurtant.

In sguard enavos

La stad 2020 ha manà al hotel Kulm radund 60% giasts svizzers, auters onns eran quai mo la mesadad. Ma era giasts dals pajais vischins sco l’Italia e la Germania han prendì alloschi en l’hotel da tschintg stailas. Percunter è il dumber da giasts da pajais lontans sco l’America u l’Asia sa diminuì marcantamain causa la pandemia.

In sguard enavant

La situaziun da la pandemia da corona fatschenta era en l'avegnir il directur Heinz Hunkeler. Ma el è plain curaschi e persvadì, ch'era la stad 2021 pudess daventar in bun onn. Era questa stad fa il directur dal Kulm quint cun giasts da la Svizra franzosa – e tut tenor era dals pajais vischins, ma là dependia da la situaziun da pandemia.

La branscha d’events fa quitads

Las grondas nozzas, events regiunals, banchets da grondas firmas, festas da finiziuns da scolas – tut quai vegn il pli cartaivel a mancar quest’onn, manegia Heinz Hunkeler. Ina impurtanta entrada per l’hotel Kulm.

L’hotel Kulm sa participescha era als tests regulars dal chantun Grischun. Cun questa purschida han els fatg bunas experientschas, quella dettia segirezza al persunal ma era als giasts da l'hotel. Ils 18 da zercladur avran las portas dal Hotel Kulm a San Murezzan.

RTR actualitad 08:00

Artitgels legids il pli savens

Scrollar a sanestra Scrollar a dretga