Ils davos diesch onns hajan ils possessurs dal hotel Piz Linard restaurà il bajetg, cun laschar blers elements ed agiunscher e perfecziunar quels cun novas chaussas. Quai scriva ICOMOS Suisse, la secziun naziunala dal cussegl internaziunal per la tgira da monuments, che surdat il premi ensemen cun GastroSuisse, hotelleriesuisse e Svizra Turissem.
Bainprest 150 onns vegl
Il hotel Piz Linard a Lavin è vegnì construì ils onns 1870/71, suenter il grond incendi dal vitg il 1869. L’hotel regordia ad in palazzo e saja bajegià en il medem spiert sco il nov construì vitg da Lavin, scriva ICOMOS Suisse.
Vallais survegn era in premi
Il premi per il restaurant istoric dal 2018 va en il Vallais, a l’ustaria Godswärgjistubu ad Albinen. Ils dus titels vegnan surdads mintg’onn, quest onn per la 22avla giada.
RR novitads 15:00