Engiadina - Hotel Villa Engiadina survegn raschun avant tribunal federal
Nagina zona da hotels enturn il hotel Villa Engiadina che sa chatta a Vulpera, ina fracziun da Scuol.
Il tribunal federal sustegn il recurs dal proprietari dal hotel Villa Engiadina cunter la zona nova. Quai scriva l'agentura da novitads rumantscha.
Avant divers onns aveva l’anteriura vischnanca da Tarasp instradà ina revisiun da la zona da bajegiar. Quella giada era il hotel Villa Engiadina avert ed il proprietari era d’accord cun questa revisiun. Entant è l’hotel serrà ed il possessur ha fatg recurs encunter la zona da hotels.
Il tribunal federal dat raschun al recurrent cunquai che la zona cuntrafetschia al dretg da proprietad. La vischnanca da Scuol sto ussa chattar ina nova soluziun da planisaziun.
