Siglir tar il cuntegn

Header

cuntegn

Hoteliers Grischuns Auters puncts da vista èn dumandads

Passa 5,1 milliuns pernottaziuns hai dà l’onn 2018/2019 en il Grischun. Quai èn anc adina 20% pli pauc che durant ils megliers onns enturn il 2008.

Responsabel per questas cifras è d’ina vart anc adina il curs da l’euro. Da l’autra vart è dentant er la mancanza da persunal in grond tema tar ils hoteliers grischuns.

Hotellaria sto empruvar d'animar ils absolvents da restar

A la radunanza da delegads ha il president da l’HotellerieSuisse Grischun, Aschi Wyrsch, fatg attent che bleras persunas ch'emprendan in mastergn en l’hotellaria bandunan suenter curt temp la professiun. Uschia per exempel tar ils absolvents da la scola d’hotellaria Losanna. 70% dad els bandunan tenor Aschi Wyrsch suenter curt temp la branscha.

audio
Hotellaria grischuna cumbatta cun mancanza da persunal
ord Actualitad dals 07.02.2020.
laschar ir. Durada: 1 minuta 4 Secundas.

En l'avegnir hajan ils hoteliers perquai da midar il punct da vista. Per l'ina stoppian ins empruvar da betg perder ils absolvents da las scolas, per l’autra stoppian ins esser avert er per interessents dad autras branschas.

RTR actualitad 17:00

Artitgels legids il pli savens