Siglir tar il cuntegn

Header

cuntegn

Engiadina I va bain cun la Val Müstair!

Il nov president communal Rico Lamprecht è cuntent cun il svilup en Val Müstair dapi il cumenzament da ses temp d'uffizi en schaner.

audio
Bunura: Rico Lamprecht è cuntent cun la situaziun en Val Müstair
ord Actualitad dals 22.04.2017.
laschar ir. Durada: 2 minutas 39 Secundas.

Quiet saja quai daventà en Val Müstair di Rico Lamprecht. El manegia il clima politic e la lavur en la suprastanza communala. Ed el constatescha quai suenter il dir cumbat electoral per il presidi communal l'onn passà.

Lavur intensiva

La suprastanza communala haja ussa blera lavur. Ins è vid l'analisa dals problems da la Biosfera Val Müstair per guardar co che quella po exister vinavant. Ins è vid l'elavuraziun dals projects per ils sviaments da Müstair e Sta. Maria. Ed ins è curt avant la realisaziun dal project da svilup regiunal dad ina chascharia ed in local per elavurar graun. Quai per numnar be in pèr projects actuals. Ins saja dentant sin buna via e Rico Lamprecht è suenter quatter mais sco capo da l'avis ch'i giaja magari bain cun la Val Müstair.

RR actualitad 08:00

Artitgels legids il pli savens