Il glatsch svanescha adina dapli, quai è ina da las consequenzas dal stgaudament dal clima. Las rutas en nossas muntognas vegnan adina pli raras. Betg uschè a Puntraschigna amez il vitg. Il flum che passa tras Puntraschigna ha stgaffì ina chavorgia profunda sur millis e millis dad onns. A dretga e sanestra dal flum crescha il glatsch, per part natiral ma la gronda part artifizial.
Quai è in mund fascinant – quel ch’era betg anc qua na po betg s’imaginar quant bel che quai è
La gronda part da quels che vegnan a Puntraschigna a raiver sin il glatsch en guidas ed amaturs da las muntognas. Ils ins per trenament ed auters per giudair l’atmosfera e l’amicizia da quels cun medems interess.
Glatsch datti differents
Il glatsch cun en pac aria è pli cumpact cumpareglià cun quel cun blera aria, quel n'è betg optimal per raiver e fitg rumpaivel. Per raiver ston ins savair leger il glatsch, avair experientscha da rampignar e finalmain era la fiduzia en il material.
Quest event vegn organisà da la butia “Go Vertical” ch'è spezialisada sin alpinissem. Lur finamira è da fascinar a profis ed amaturs da giudair quest mund particular da glatsch.