Era la cumissiun halla da glatsch lavura en direcziun d'ina halla da glatsch regiunala. Quai ha ditg Markus Berweger, commember da la cumissiun. Era han els evaluà l'opziun da far in tetg sur l'arena Ludains. Quai è dentant pauc realistic. Culs medems raps possia ins gista far ina nova halla da glatsch.
Samedan lieu ideal
Tenor la cumissiun fiss Samedan il lieu ideal, central e porscha plazza. Quai dentant è il problem il pli grond al mument - la plazza. La zona che era previsa per tals projects è al mument bloccada, di il president communal Jon Fadri Huder. Il tenor or da las vischnancas per ina halla da glatsch regiunala, quel è dentant positiv di Markus Berweger. La cumissiun haja fatg ina retschertga tar tut las vischnancas da l'Engiadin'Ota cun la dumonda co che ellas vesan ina halla regiunala. Da sclerir fiss dentant che vischnanca che sa participescha co.
Aline Heuberger vul discussiun publica
Finamira da la giuvna da 20 onns è da mussar a la populaziun co che ina halla da glatsch en Engiadin'Ota pudess vesair or. Perquai vul ella era anc preschentar public sia lavur e procurar per ina discussiun dentant populaziun e responsabels da la politica.