Siglir tar il cuntegn
Inhalt

Engiadina Identifitgà alpinist sparì dapi il 1963

Grazia ad indizis d'alpinists ha pudì vegnir identifitgà ina bara d'in alpinist ch'era sparì avant passa 50 onns en la regiun dal Bernina.

Il glatscher da Morteratsch en la regiun dal Bernina.
Legenda: En la regiun dal Bernina, oravant tut en il glatscher da Morteratsch, valan 40 persunas sco sparidas. pocha

Tenor la polizia chantunala sa tracti d’in alpinist tudestg da 36 onns ch'era sin ina tura da skis l'avust dal 1963. El aveva bandunà la chamona Boval ed era sparì dapi lura.

Las stads passadas han alpinists scuvert parts da la bara ed equipament. Cun cumparegliar ils chats cun actas veglias e cun in'analisa da DNA ha la bara pudì vegnir identifitgada.

Ils glatschers dattan adina puspè liber parts da baras. En la regiun dal Bernina valan 40 persunas anc adina sco sparidas.

RR novitads 10:00