Venderdi suenter l'ina è stgarpà il vonn d'ieli idraulic d'in camiun tar ina manevra a Zuoz, quai scriva la Polizia chantunala. Ils pumpiers sajan stads al lieu spert ed hajan pudì evitar donns ecologics. Els sajan stads buns fermar e liar var 100 liters ieli che fissan uschiglio culads en l'En.
Sper ils pumpiers sajan er stads en acziun in spezialist da l'uffizi per la natira e l'ambient, lavurers communals da Zuoz e S-chanf ed in'interpresa per nettegiar chanals.