Siglir tar il cuntegn
Inhalt

Engiadina Il biatlon è ussa era dachasa a Puntraschigna

Il stan da tir da Puntraschigna è sin il pli nov stan. Renovà per in milliun francs porscha el uss per tut las sportistas e sportitsts da tir pussaivladads da trenar. Sonda, ils 20 d'october, è l'implant da tir Clavadels vegnì inaugurà cun ina festa per in e mintgin.

Legende: Video biatlon interessa a Puntraschigna abspielen. Laufzeit 01:31 Minuten.
Or da RTR dals 21.10.2018.

Dapi l'onn 1921 è il sport da tir ina tradiziun impurtanta a Puntraschigna. 97 onns pli tard è il sport da sajettar anc adina preschent e cun la renovaziun da l'implant da tir puspè sin il stan il pli modern e correspunda ussa era a tut las leschas prescrittas.

Tut ils giavischs èn accumplids

Cun la renovaziun pon tut ils sportists da sajettar ed ils chatschaders trenar bain e cun la tecnica la pli moderna. I dat numnadamain in stan da tir da 25 e 50 meters per pistola, in da 100 meters, in da 300 meters, in stan da tir per la lieur ed in implant da tir da biatlon, ch'è adattà per giuvens talents ma era per profis indigens.

Legende: Video Sanaziun per passa 1 milliuns francs abspielen. Laufzeit 01:25 Minuten.
Or da RTR dals 21.10.2018.

Motivaziun per talents giuvens

A la festa d'inauguraziun è stada preschenta era la biatleta Irène Cadurisch. Per ella è l'implant da biatlon ina gronda motivaziun, pudair trenar en Engiadina ha per ella ina grond'impurtanza. Insaquants giuvens sportists han empruvà da sajettar ed Irène Cadurisch ha accumpagnà els e dà sustegn util.

L'entira sanaziun ha custà circa 1 milliun francs. Cun la renovaziun da l'implant da tir speran ils responsabels, che la tradiziun cuntinuescha per almain ils proxims 100 onns.

RR actualitad 08:00