In bostg da radund duas tonnas betg or da lain, mabain da bronz. Quai è la pli nova sculptura da l’artist Not Vital, ch'è actualmain vidlonder da drizzar en ses nov da chasa, numnadamain il Chastè a Tarasp.
Dà en egl saja il bostg, in ulm mo pli cun roms setgs, l’emprima giada cun ir a spass tranter Scuol e Sent. Inspirà da quest inscunter ha l’artist da renum mundial laschà smerscher quest bostg, til transportà a Milaun, nua ch'è vegnì realisà ina copia exacta ord bronz.
La gronda sfida n’è apparentamain betg stada la realisaziun da la sculptura, mabain la montascha.
