Siglir tar il cuntegn
Inhalt

Engiadina Il cas «Cresta Run» per la 3. giada enavos a dretgira chantunala

Il grev accident en il chanal da glatsch a San Murezzan d'avant 8 onns occupa vinavant las dretgiras. Il cas giaja per la terza giada enavos tar la dretgira chantunala – uschia in rapport dal schurnal regiunal da SRF.

cresta run
Legenda: Il Cresta Run a San Murezzan - Schlarigna Keystone

L'onn 2008 era in um britannic sgolà sun ses skeleton or dad ina storta da la chanal da glatsch «Cresta Run». Tar quest accident grev aveva el pers in pe.

En consequenza aveva la dretgira chantunala sentenzià l'enviern il responsabel dal Cresta Run pervia da greva blessura corporala tras negligientscha.

Il sentenzià è i davant tribunal federal e quest ha abolì la sentenzia il mars da quest onn. Tenor rapport dal schurnal regiunal SRF pervi che la dretgira chantunala ha cuntrafatg al dretg da procedura elementar. Quel prevesa numnadamain ch'il avess stuì avair lieu ina procedura d’audiziun cun las duas partidas.

Dentant - quai n'è betg l'emprima giada ch'il tribunal federal dat enavos il cas «Cresta Run» a la dretgira chantunala en Grischun, mabain la terza. Las giadas avant saja quai stad il cas pervi che fatgs impurtants na sajan betg vegnids sclerids bain avunda.

RR novitads 11:00