Siglir tar il cuntegn

Header

video
Il cas dal pur Tumasch Planta n’è anc betg ad acta
Or da Telesguard dals 10.09.2015.
laschar ir. Durada: 3 minutas 1 Secunda.
cuntegn

Engiadina Il cas dal pur Tumasch Planta n’è anc betg ad acta

La procura publica grischuna sto anc ina giada tractar il plant dal pur da nursas Tumasch Planta cunter il veterinari chantunal Rolf Hanimann, quai ha decis la dretgira chantunala dal Grischun suenter pliras sentenzias da differentas dretgiras.

Tumasch Planta è fitg cuntent cun questa decisiun dal tribunal chantunal. Ses arguments na sajan enfin ussa betg vegnids valitads avunda. Ussa haja el speranza che la procura publica valiteschia era sias argumentaziuns.

Hanimann n'ha betg fatg recurs cunter decisiun

Il veterinari chantunal Rolf Hanimann n'ha betg fatg recurs cunter la decisiun dal tribunal chantunal; quai ha el confermà a Radiotelevisiun Svizra Rumantscha (RTR). Tenor el saja quai en urden dad ussa cumplettar la procedura cun ulteriurs fatgs. Quai saja era en il senn da la decisiun dal Tribunal federal da l'onn passà.

audio
Il cas dal pur da nursas Tumasch Planta sto vegnir tractà anc ina giada
ord Actualitad dals 10.09.2015.
laschar ir. Durada: 3 minutas 16 Secundas.

Avant 6 onns aveva il veterinari chantunal virolà per sforz las nursas da Planta cunter la malsogna da la lieunga blaua. Sinaquai aveva Planta inoltrà plant pervi da maldiever d'uffizi, maltractament d'animals e falsificaziun da documents.

RR novitads 12:00

Artitgels legids il pli savens