Siglir tar il cuntegn
Inhalt

Engiadina Il chantun introducescha la drona per salvar ansiels-chavriel

Sco regiun da pilot è previsa l’Engiadina Bassa, là han ins chattà la stad passada 46 ansiels da chavriels cun ina drona.

In ansiel-chavriel.
Legenda: In ansiel-chavriel chattà grazia a la drona. RTR, Armon Schlegel

Il manader da l'Uffizi da chatscha e pestga, Adrian Arquint, ha confermà da vulair introducir quest project sin livel chantunal. Sco emprim pass èn previsas singulas regiuns sco lieus da pilot. Per l’organisaziun preves'il chantun da collavurar, en prima lingia cun las societads da chatscha en las regiuns.

L’iniziativa da quest project vegn da la societad da chatscha secziun Tasna en Engiadina Bassa. En quella regiun han chattà ils chatschaders, cun ina drona sviluppada spezialmain per questa lavur, entaifer 3 emnas 46 ansiels-chavriel che han pudì vegnir salvads da las maschinas da segar.

RR novitads 17:00