Siglir tar il cuntegn

Engiadina Il Chardun cumpara per l'ultima giada

Mo pli radund 100 lecturs ha la gasetta online Il Chardun. Quai saja memia pauc per investir vinavant forzas. Avant in onn ha la redacziun anc pensà che 2'500 persunas visitian mintga mais la pagina. Cun midar provider èsi dentant sa mussà che quai n'è betg il cas

Printsreen da la pagina d'internet Il Chardun.
Legenda: Printscreen da la pagina d'internet Il Chardun. RTR

Dapi il 1971 existiva Il Chardun. L'emprim sco gasetta stampada, pli tard online. Suenter 10 onns en la rait sto la redacziun enturn Baldina Cantieni Kobi realisar che la gasetta satirica umoristica n'attira betg pli l'interess, sco ina giada.

Da ses cumenzament aveva la gasetta anc ina forza e valur, quai saja ì a perder, uschia dunna Baldina.

«Il chardun è forsa memia pauc modern»

Ils commembers da la redacziun han tranter 60 è 83 onns. Els hajan betg pli l'energia e la voluntad da sviluppar insatge nov. Quai stoppian ussa far auters e Baldina Cantieni Kobi spera che quai saja il cas. Forsa betg ussa, mo en in pèr onns.

La pagina d’internet resta averta per pudair publitgar in'ediziun speziala, sche quai fa basegn, sco era la chasa editura Chardun.