Siglir tar il cuntegn

Header

audio
Il corv grond: in utschè intelligent – cudesch da Heinrich Haller
Or da Actualitad dals 02.09.2022.
laschar ir. Durada: 3 minutas 35 Secundas.
cuntegn

Il corv grond Portrait d’in utschè intelligent

L’anteriur directur dal Parc Naziunal Svizzer Heinrich Haller è s'occupà durant onns cun il corv grond e sia fascinaziun ed ha scrit in cudesch.

Corvs gronds èn multifars e ferm derasads en noss conturns. Ils utschels han in tscharvè ferm sviluppà e lur vita sociala cumplexa regorda al caracter da nus umans. En ses cudesch documentescha Heinrich Haller il grond utschè nair e dat in’invista en il fenomen da la vita dal corv grond.

«Corvun e Trabea»

Il 2015 èsi reussì al biolog da Zernez da stgaffir ina relaziun da confidenza cun in pèr da corvs gronds. El ha numnà els Corvun e Trabea.

Grazia ad els ha Haller pudì observar la vita dals dus utschels durant plirs onns. Il resultat da quellas observaziuns è in cudesch illustrà cun maletgs commovents ed ina preschentaziun d’in animal intelligent sin passa 200 paginas.

RTR actualitad 08:00

Artitgels legids il pli savens